Aufgrund unseres Engagements zur nachhaltigen Förderung der niederdeutschen Sprache wurde die Schule am 6. März 2014 im Niedersächsischen Kultusministerium durch Kultusministerin Frauke Heiligenstadt ausgezeichnet. Wir erhielten den  Titel "Platt-is-cool"-Schule sowie eine Urkunde. "Du büst riek, wenn du twee Spraken snacken deist, wenn du Hoochdüütsch un Plattdüütsch  kannst." (H. Timm) Veele Johre givt dat bi us an de Karl-Söhle-School denn Plattdüütschen Lesewettbewerb. Ut  düssen Wettbewerb is in Oktober 2005 een Plattdüütschen Theother-AG entstannen. Düsse AG is een- bit tweemol inne Weeke für eene Stünne. De Deerns un Jungs vun düsse AG künnt op  veele besünnere Optritte trögeblicken: Jedet Fröhjohr hebbt we een gemeinsamen Optritt mit de "Plattdüütschen Sängers" (dat is een Gruppe von 12 bit 14 Keerls, de sünd so twischen 65 un 85  Johre old) int Forum von use School. Denn wiest we jümmers an usen Theotherobend lütte Theotherstücken, toon Bispiel: Romeo un Julia, een Krimi "Dat Geschink", De dicke fette Pannekoken  und Rummelstummel... Aale twe Johr nehmt we an denn plattdüütschen Schooltheoterfestival deel. Dat wör 2006 in Soltau, 2008 in Walsrode, 2010 in Lüneburg un 2012 un 2015 in Celle. Dor koomt denn uten ganzen lümborgischen Bezirk plattdüütsch snackende Kinner un wiest ehr Sketche und Leeder. Wenn sich de Landfrauen oder die Schützengilde treebt, sünd we ock al een  poormol to een Fier dorbi weesen. Eenmol int Johr föhrt we na Gifhorn int Schloss to een plattdüütschen  Sketchenomtag oder to een Vörlesewettbewerb. In November 2013 hebbt we bi dat Plattdüütsche Stafettenlesen mit dat Book "Ik bün Hipp Hopp de Fischkopp" mitmokt. Weil we us so düchtig för de Förderung för düsse Spraake insett, hebbt we an 6. März 2014 in  Hannover vun de Kultusministerin Frauke Heiligenstadt de Utteknung as "Plattdüütsche School"  kregen. An sülbigen Obend wör düsse Utteknung in "Hallo Niedersachsen" int Fernsehen to sehn. De plattdüütsche Unnerricht in de AG un in de 4. Kl. (Immersionsunterricht) is denn von dat NDR- Team ut Hannover an 14. März 2014 in use School filmt worn. Düssen Bitrag hebbt we an 30. März in "Hallo Niedersachsen op Platt" in Fernsehen op denn 3. Programm to sehn kregen. Dor wörn we all tohopen ganz stolz! Unsere Schule - Plattdeutsche Schule Es ist die wichtigste Kunst des Lehrers, die Freude am Schaffen und am Erkennen zu erwecken. (Albert Einstein) Impressum/Kontakt